සඳට බැළුම් හෙලූ අය

Nov 6, 2017

මතකද හැන්දෑවේ !




අඬනකොට මහා හයියෙන් අහස
කොටනවා විදුලි මගෙ හිත මත
තනිව තෙමෙමින් විසුල අහස යට
හොයනවා බොඳව වියැකුණු මතක

නිල් පාට මල් ඉහුන කුඩේ යට
තාම පුසුඹයි නුඹේ සුසුම් සර
වැහි දියට තෙමෙන කම්මුලක් මත
ගලන්නේ කඳුළු කැට ගොඩක් අද

දන්නවා මේ වැස්ස යටම ඔබ
ඇගේ අත අරන් පියමනින බව
අනේ හමුවුනොත් පෙර අපෙ මතක
දැක්ක නොදැක්කා වගේ යනවාද

22 comments:

  1. එකම වැස්සක
    දුක - සතුට දෙක
    කුඩේ ඉහලන්
    ගමන් යන හැටි!

    ReplyDelete
  2. මෙහෙමත් වැස්සක්...!!!
    මම මේ බලා ඉන්නේ පායන කාලෙට මොනා ලියාවිද කියල...!!

    ReplyDelete
    Replies
    1. අයියෝ ආකියෝ... පායනා කාලෙදී රෑ දවල් මහන්සි වී කන්න දේ රැස් කරන්න තීනවා , කවි ලියන්න වෙලාවක් නෑ එතකොට

      Delete
    2. කරපිංචා කැඳ බොන්න බෑ කූඹියන්නට ....!

      Delete
  3. "අදුරු ලළා සෙංකඩගල වැස්‌සේ
    දිය දහරා පාටයි දේදුනේ
    තෙමි තෙමි ආදර මදු වැස්‌සේ
    ගිය දෙදනා අද යනවා දෙමන්තලේ"

    මේක තමයි මට මතක් උනේ ............

    ReplyDelete
    Replies
    1. ඔව්නෙ ඒකත් හරි අපූරු සින්දුවක්...ස්තූතී කළණ

      Delete
  4. අපොයි.. අමාරුවෙන් අමතක කරගෙන ඉන්න අපේ මතක.. :'(

    ReplyDelete
    Replies
    1. අපි මතක් කරන්නං, දැන්ම කරන්නද ::P

      Delete
  5. අහස ගුගුරා සිහින් වැහි පොද පොළව දෙසටම එයි පෙරී
    පහස නුඹ හා විඳි අතීතය මතක මතුපිට එයි හැරී
    රහස නුඹෙ හා මගේ ළෝකේ යලිදු සිහියට ගනු බැරී
    අහස දෙසටම සුසුම පාකර සිනාසෙනු දැන් ගෙන දිරී....

    ජයවේවා!!!

    ReplyDelete
    Replies
    1. ස්තූතී දුමී හරිම අපූරුයි ඔයාගේ පද

      Delete
    2. වැහි බ්ංදු නුඹෙ සිත තෙමන්නැති කදුලු බිදු හා මුසුවෙලා
      සුසු නින්දු උණුහුම හැගෙන්නැති රස අතීතය සිහිවෙලා
      ගැයු සිංදු කව් හද මැවෙන්නැති ගිගිරුමක නද පරයලා
      නෙත රැන්දු රුව හිමි නොවෙන්නැති සසරෙ මදි නුඹ පිං කලා

      නෙල්ලිPrince

      Delete

    3. නෙල්ලි කොහෙද හිටියේ අප්පා මෙච්චර කල්

      Delete
  6. This comment has been removed by the author.

    ReplyDelete
  7. අපේ මතක වෙලාවකට අපිව අඩවනවා නේද කියලා හිතුනා...

    ඇත්තටම එහෙම හමු උනොත්....
    අදුනන් නැහැ වගේ යයිද??

    ReplyDelete
  8. //අනේ හමුවුනොත් පෙර අපෙ මතක
    දැක්ක නොදැක්කා වගේ යනවාද//
    බොළද වැඩිකමටම ඒකෙ දැනීම වැඩියි

    ReplyDelete
    Replies
    1. ම්ම්ම් ඔව්නේ එහෙමත් වෙනෝ ඉතින්

      Delete

සඳවත කියවන්න ආපු ඔයාලට බොහෝම ස්තුතී, පුංචි හරි ඉඩක් තියෙනවනම් වචනයක් දෙකක් කියල යන්න. ඒක මට ගොඩාක් වටිනවා. නොලියා ගියත් අමනාපයක්නම් නෑ මේ හිතේ.

ඒකපාර්ශික !

      සඳක් වගේ පායා හිනැහෙමින් එබී පුරුද්දක් වගේ උන්නා ළඟම රැදී ඉඩක් නොවූ තැන හදවත ගියද බිදී අදත් ලියනවා මේ ප්‍රේමයට කවී යන්තං ගැටෙ...