සඳට බැළුම් හෙලූ අය

සඳවතී මං

My photo
රෑ අහස එළිකරන... සිත් අහස සරසවන... තරුවකට පෙම් බඳින... සොඳුරු සඳවතිය .... මං...

Jan 15, 2018

අහන්නකෝ !





අවාරේ උනත් පියාඹා ඇවිත්
හිත මත්තෙ  හිමිහිට වැහුවම
උණු උණුවෙ වැටෙන කඳුළක තෙත
මේ හැටිම ඝනකම් බව
සුදුරෙදි හොරෝ
උඹ දන්නේම නැතිද !

තුංග තුරු මුඳුනක
වහංවුන මලක් පෙති ඇරියම
පලාතම සුවඳ දෙන බව
බමරු මල් පෙති සිඹින බව
කහ කුරුල්ලෝ උඹට මම අමුතුවෙන්
කියාදෙන්නම ඕනෙද !

හිතකට හිතක් ඇලුනම
ඒ තරම් ඉක්මනට
ගලවන්න බැරි බව
අර දඟ කරන මොනර පැටික්කිට
කියා දෙන්නට කවුරුත්ම
නැද්ද හැබෑටම !

14 comments:

  1. අහන්නකෝ... මම ලිව්වා...
    // කජු ගස් ලන්දේ අවාරෙට සැරිසරනා සුදු රෙදි හොරාවත්
    උඩවත්තේ කොස් ගස් මන්ඩියේ ලගින දඟකාර මොණරාවත්
    නොදන්නා
    මට මගහැරුන මා
    ඔබට හමුවූයේ අවාරෙට බැව්
    නොකී නිසාමද
    මේ දරාගනු නොහැකි කඳුලු හෙලන්නේ
    අපට හොරෙන්....!///

    එතකොට සඳවතී කමෙන්ට් කලා ඔය උඩ ලියලා තියෙනාකාරයට...!

    මේක හොඳයි සිංදුවකට...!

    ඒ මොනා උනත් දැන් කඳුළු ඇති සඳවතී..හිනාවෙමු..!

    ReplyDelete
    Replies
    1. ම්ම්ම් ඔව් නේන්නම් ...මේ ඒ කවියට දාපු කමෙන්ට් එක තමා පොඩ්ඩක් වැඩියෙන් ලියලා කරලා ගත්තේ...මම හිතුවා මතක නැතුව ඇති කියලා හි හී...

      කඳුළු..... ? කඳුළු තියෙන තරමට තමා කවි ලස්සන වෙන්නෙ අනේ...

      Delete
  2. අහන්නකෝ
    මේක නම් නියමයි.
    හිතකට හිතක් ඇලුනම
    ඒ තරම් ඉක්මනට
    ගලවන්න බැරි බව
    අර දඟ කරන මොනර පැටික්කිට
    කියා දෙන්නට කවුරුත්ම
    නැද්ද හැබෑටම

    ඇත්තටම සුදු රෙදි හොරායි කහකුරුල්ලායි දන්නේම නැද්ද? මොණර පැටික්කිට මේ ටික තේරුම් කරන්න

    ReplyDelete
    Replies
    1. ඒකනේ යාත්‍රා....එයාලගෙන්ම තමා ඒක අහන්න ඕන

      Delete
  3. අහන්නකෝ..........

    ඔයත් ලස්සන ආදර කතාවක හිමිකාරියක් බව මම දන්නවා..
    සමහර විට ඔයා හිතින් ආදරේ ඇති.
    සමහර විට ඔයා ගොඩක් ආදරෙන් ඇති..
    සමහර විට ඔයා හොරෙන් ආදරේ කරනවා ඇති...
    සමහර විට ඔයා වෙන්වෙලාත් එයාටම ආදරේ කරනවා ඇති...

    අපේ ආදර කතා එකිනෙකට වෙනස්.............. නේද ? හා

    ReplyDelete
    Replies
    1. ම්ම්ම්ම් ඔයා ඔය කියන කොයි ආදර කතාව උනත් සොඳුරුයි ... මිහිරියි තමා...

      Delete
  4. රස වින්දා හරියට .

    ReplyDelete
    Replies
    1. ස්තූතීයි ඔබේ පැමිනීමට

      Delete
  5. හරි ලස්සනට ප්‍රශ්න තුනක් අහල.
    තුනටම ඉතින් කුරුල්ලන්ට උත්තර නැහැ

    අවාරේ උනත් පියාඹා ඇවිත්
    හිත මත්තෙ හිමිහිට වැහුවම
    උණු උණුවෙ වැටෙන කඳුළක තෙත
    මේ හැටිම ඝනකම් බව
    සුදුරෙදි හොරෝ
    උඹ දන්නේම නැතිද !

    ReplyDelete
    Replies
    1. ඒකනේ වැඩේ... ස්තූතියි

      Delete
  6. අහන්නකො.. ඔය මොණරු ඉන්නවා නේද? බොරු ආඩම්බර කම විතරයි.. පිහාටු ටික ලස්සනයි කියල රැවටෙන කුරුල්ලොත් ඇති.. ඒ වුනාට ස්මාර්ට් කහ කුරුල්ලෝ වත් කපටි සුදු රෙදි හොරුවත් ඕවට අහු වෙන්නේ නෑ.. මොකද උන් ඔක්කොම ඇති තරම් අහල තියෙනවා මොණරු අඬලන සද්දේ.. හැක්. :)))

    ReplyDelete
    Replies
    1. ඇත්ත තමයි සේරම එකයි බලන් යනකොට

      Delete
  7. ඒකෙ වෙනසක් තියෙනවා සදු

    ReplyDelete

සඳවත කියවන්න ආපු ඔයාලට බොහෝම ස්තුතී, පුංචි හරි ඉඩක් තියෙනවනම් වචනයක් දෙකක් කියල යන්න. ඒක මට ගොඩාක් වටිනවා. නොලියා ගියත් අමනාපයක්නම් නෑ මේ හිතේ.