මේ මහා දුර ගෙවා ආ පසුත් !

පෙම්බරාණෙනි,

මහාගිරි දඹ ගෙවා පැමිණියෙමි
එ'ගිරි හිස මත
ඔබ තබනවායැයි කියූ
ප්‍රේමය ... සොයමි
කෝ කොහිද....?

කඳු පාමුලට හිස පොවමි
නැත...එහිද නැත...

ඈත දුර ආකාසෙට ඇස යවමි
එහිද ඔබත් ඔබේ ප්‍රේමයත් සොයමි

දුටිමි ...ඔබ තරුවක්ව
දිලෙන හැටි දුටිමි

ඉතින්...
වටහාගතිමි
අහසටත් පොළොවටත්
අතර ඇති මහා දුර
කිසිදාක යා නොවන බව

අවසරයි....
නික්මයමි.. සදහටම
ලියා තබා සමනළ තටුවක
නුඹට බැඳි අපිරිමිත සෙනෙහස