You Made My Day !

ඒ තරම් රළු වදනින්
දමා ගසන්නට තරම්
කලාද පුංචි මම
උඹට නපුරක්...
සාප කරන්නට බැන වදින්නට තරම්...

සාගරේ  වගේ කියන
උඹේ ඔය ආදරෙන් බිඳක්වත්
මා වෙනුවෙන් නැති බව
පසක් කෙරුවාට ස්තූතියි උඹට...

සමහරවිට

උඹ මේ කුඩුපට්ටං කලේ
මේ ලෝකෙ උඹට වැඩියෙන්ම
ආදරේ කරන හිත....

උඹ දන්නෙ නෑ
උඹව අමතක කරන්න
මං විඳින දුක....

සත්තයි
මට දැන් ඕනෙම උඹව
අමතක කරන්න...
බැරි උනොත් අමතක කලා
වගේ ඉන්න...

ඉතින් මේ තමයි
උඹට ඕනෙයි කියූ එක
මං අඬන මං තැවෙන
මං අසරණ වෙන එක
සතුටින් කියන්නම්
ඒ ප්‍රාර්ථනා  ඉටුවූ බව...