ඔව් ඔව් මේකත් එක්තරා විදියක අභියෝගයක් තමා !

 අද  විවේකිව ඉන්න වෙලාවක ඔන්න  බ්ලොග් ලෝකෙ සැරිසරද්දි තමයි ඉයන්ගෙ.  පෝස්ට් එකත් දැක්කේ. ඔව් ඔව් මේකත් ඉතින් මේ  එක්තරා විදියක අභියෝගයක් තමා.පුංචි මල් කැකුළු.
ලියන තුශාණිගේ කවි සිතුවිල්ලක අනුභූතිය අරගෙන ගීයකට සුදුසු පදරචනාවක් කරන්න.මේක දැකපු ගමන් මට ඒ ගැන කැමැත්තක් ඇති උනා පුංචි උත්සහයක් අරන් බලන්න. ඔන්න ඉතින් මම ලියපු සිතුවිල්ල තමා මේ. අඩු පාඩුනම් ගොඩක් ඇති.මේක දැනගෙන පැයකින් වගේ ගෙදර වැඩ කරන ගමන් හිතේ ලියවුන සිතුවිල්ලක් මේ.

නැවුම් සුවඳක සිහිළ අරන් එන පවනැල්ල
මගේ මේ සුබ පැතුම් එහා ගමට ගෙනියන්න
අම්මගේ සුදු දෝණි සුවෙන් බව දැන ගන්න
අප්පච්චිටත් මෙතැන හාදු ඇති පවසන්න....

මං නැතුව පාලුවක් අම්මාට දැනෙනවද
පුරුද්දට අප්පච්චි තව පාර බලනවද
දොළ පාරෙ දණ්ඩි පැටවුනුත් මං හොයනවද
මතක ඇතුවම ආයෙ ඇවිත් මට කියනවද....

ආදරේ අඩු නැතත් මේ සෙනෙහෙ කැදැල්ලේ
අම්මෙ නුඹ සිහිවෙද්දි දුක ගලයි නිදැල්ලේ
ඇගේ උණුහුම රැඳුණු උකුල් තල තොටිල්ලේ
සුවඳ අරගෙන සුළඟ වරෙන් මෙහෙ ඇසිල්ලේ....