මලක මළගම !

මතක බණ ඇහෙනකොට ඉකිබිඳුම් සඟවන්න
මතක පැන් කෙංඩියෙන්  බිඳක් ගෙන තවරන්න
අවසාන හාදුවත් නළල මත්තට දෙන්න
මේ ඉතින් සැරසෙන්නෙ මලක් මළගම් යන්න

රෑ රැහැයියනි තවත් දුක් ගීත නොගයන්න
සඳේ සඳ එළියෙනුත් ඇසේ දුක හංගන්න
පන අඳින මතකයම හිතින් උදුරාගන්න
ඈ යන්නෙ සදහටම සුසානෙක තනිවෙන්න

මළබෙරය මහ දුකින් එපා තව හඬවන්න
රෝස පැහැ රෝස මල සීරුවට නිදියන්න
පාලුවට ගිය සොහොනෙ හීතලට හුරුවෙන්න
බැරිමනම් මේ කඳුළ උණුහුමට ගෙනියන්න