සිසිරයේ සීතලින් පෙම්වත්ව
දරාගෙන හිම පියල්ලක් බැතිව
කල්පයක් ළඟින් ඉන්නට පැතුව
මමයි ඒ පුංචි රතු මේපලිය....
තුරු මතින් රිංගාන සඳ එළිය
ඇවිත් රහසෙම කොපුල් සිම්බාම
හිනැහෙමින් නුඹේ තුරුළෙම උන්න
මමයි ඒ පුංචි රතු මේපලිය....
ගිම්හානයේ සැඩ හිරු ඇවිත්
උදුරගෙන මගෙ සීත පිණි බිඳුව
සියොළඟම දවා අකල්හී ඉපල් වූ
මමයි ඒ අහිමි රතු මේපලිය....
ඔන්න ඔය නිසයි මම ගිම්හානයේ සැඩ හිරු ට ප්‍රේම නොකරන්නේ .....
ReplyDeleteඑක උණුසුම් බැල්මකින් මුළු ශීතකාලයම උණුසුම් කරගන්න පුළුවන් කියල දැන දැනත් නොකරන්නේ ......
රතු මේපලිය දන්නවා, සිතල හිම වගේම ගිම්හානයේ සැඩ හිරු කොච්චර කටුක ද කියල එයාගේ දෙකම්ඹුල් වලට ......
රස්නෙ විතරක් නෙවෙයි සීතලත් ඕනාවට වඩා වැඩි උනොත් ඒකත් ප්‍රශ්නයක්..දුකක් වේදනාවක්...
Deleteසඳ ඇවිත් බෙදන විට සිසිලස
ReplyDeleteඔබ වින්දේය එහි ඇති අරුමය
සඳ ලෙස පැමින ඇත්තේ වෙස් ගෙන
රුදුරු හිරු බව නොදැනුනේ කරුමෙට!
සෑම වසකම පැමිනෙන
සිසිරයේදී සිදුවන
දෙයකි එහි නැත අරුමෙක
කුමන මල දෝ එන ඊළඟ?
අපූරුයි සංකල්පනාව... ස්තූතියි
Deleteඅතු අගක හුදෙකලා වී හිඳින හුරතලී
ReplyDeleteපැතු පතුම් විසුණුවී ගියෙ ඇයිද සියුමැලී
ගෙතු රටා සිහින මැද දඟදමයි රැළි රැළී
මතු භවේ මගෙම වී ළඟින් ඉනු මේපලී....
ලස්සනයි සඳූ. සතුටුයි නැවත පැමිණීම. මුහුනුපොතෙ පොඩිඅවුලක් නිසා උත්තර දෙන්න බැරිවුණා.
ජයවේවා!!!
ඔන්න ලස්සන උත්තරයක්.... ස්තූතියි දුමී....
Deleteකාලෙකින් බ්ලොග් කියවන්න ආපුවම මුලින්ම දැක්කෙ මේක.. සීතල රෑක රුසියානු නවකතාවක් කියෙව්වා වගෙ හැඟීමක් දැනුණා මේක කියෙව්වම - හරි ලස්සන වචන!
ReplyDeleteඒක තමයි ඔයාව කාලෙකින් දැක්කේ.... එහෙම ඇවිල්ලා මෙහෙත් ආව එක ගැන සතුටුයි
Deleteසඳවතීට වගේ ලස්සනට මට කවි ලියන්න බැරි උනාට, මේ කවිය කියවනකොට පොඩි අඩුවක් වගේ දෙයක් දැනුනා ඔය මැද පේලි හතරේ, ඇත්තටම මැද කොටසේ පේලි හතරෙන් මැද පේලි දෙකේ....!
ReplyDelete////දෙකම්ඹුල් ඉඹිනකොට හීනියට
නැළවි නැළවී නුඹට තුරුලු වුන///
ඒ පේලි දෙකේ භාෂාව අනිත් පද පේලිවල භාෂාව එච්චරම කාව්‍යමය නෑවගේ මට නං...!
ඔයාට මීට වඩා ලස්සනට ඒ තේරුමම එන්න ලියන්න පුලුවන් කියල දන්න නිසා මේ කමෙන්ට් එක....උත්සාහ කරලා බලන්න ඉතිං කම්මැලි නැතිව...!
ස්තූතියි ආකී...ඔයා ඔහොම කිව්වම ආයෙ කියවද්දි තමයි එහෙම අඩුවක් දැනෙන්නේ...ලස්සනයි.. හොදයි විතරක් කියනවට වඩා ලියන අපිට මෙහෙම අඩු පාඩු පෙන්නලා දෙන එකනම් වටිනවා...මම ඉතින් සුට්ටක් දඩිබිඩිනේ ලිව්වා දැම්මා... මම ලියන්නම් ආයෙත් ඒ පද දෙක හිමිහිට
Deleteඔන්න වෙනස් කලා.... දැන් බලන්නකෝ
Deleteතුන්වෙනි කවිය කියවනකොට මට මතක් වෙන්නේ මේ දවස් වල මේ පැත්තට වැටෙන අවුවේ සැර කමයි සදු. කවි ටික නම් ලස්සනයි සදු.
ReplyDeleteතුන්වෙනි කවිය කියවනකොට මට මතක් වෙන්නේ මේ දවස් වල මේ පැත්තට වැටෙන අවුවේ සැර කමයි සදු. කවි ටික නම් ලස්සනයි සදු.
ReplyDeleteඅගෙයි
ReplyDelete