රිදුම් !!

සියවසකින් පමණ අප 

හමු නොවූ බව මෙන්ම

කල්ප කාලාන්තරයකින් 

නොදෙඩූ බවද අමතක කරමි !

යලි කිසිඳු දිනක මේ අත්බවේ

අහම්බෙන් හරි 

අපි මුණනොගැසිය යුතු බව

හදවතට හඟිමි !

හරි හදිස්සි හාදුවක

ඉසියුම් පිරිමි සුවඳ

හදවත් කුටීරයක

සීරුවට සඟවමි !

ඉඳහිට පපුව පුලුස්සන

සාංකාමය පුළිඟුවක්

කඳුළක බහා මතක 

මංජුසාව පුරවමි !

ඉනිතින් ,

ගව් සියක් දුර ඈත සිතිජ ඉම

තරු දහසක මන්දාකිණියේ

ඔබ සුවෙන් වෙසෙන බව

පමණක් ඉඳුරාම දනිමි !