මං කන හැටි ලිපා දනී !

මයේ නැන්දම්මා සවාරියක ගොසින්ය.ඉතින් එයැයි එනකං අපිට දැන් උදේට කැඳත් නැතිය.මටනං ඒකේ ලොකු ගානකුත් නැති ගානය.මම දැන් හොද ළමයෙක් වෙලාය.අනේ ඔහේලා මට බනින්න එපාය මගේ සිංහල උක්ත ආඛ්‍යාතයෙන් තොරය මට මේ දවස්වල සිංහල ඉස්මුරුත්තාවට ඇවිත් ඔලුව කචල් වී ඇත.කොටින්ම මට සිංහල වහකදුරු ගානය.ඒ සන්තැසිය උනේ අපේ ඉස්තලන් කොලුවාට පින් සිද්ධ වෙන්නටය.එයාලට මේ දවස්වල  විභාගේය.එයැයිට සිංහල කියා දීම මා ලැබූ ලොකුම අභාගය වී ඇත.🙃 එහෙම නැතුව " මම කිව්වොත් මී කියන්න ..අපි කිව්වොත් මු කියන්න " කියලා මේකේ නොලිව්වාට නං හොදටම දන්නවාය.

ඒ විත්ති පැත්තකින් තියා මා හොද ළමයෙක් වූ හැටි කියන්නට ඕනෑය.මං දැන් කන්නේ වන්නකුට ඕනැ හැටියටය.උදේට කන්නේම නැතිය.නැන්දම්මා නම් ඒකට කැමති නැතිය.එයැයි කියන්නේ උදේට රජෙක් වගේ කන්නට ඕනෑ කියාය.(රජෙක් වගේ කාලා මට සීනි වැඩි වෙලා මං මැරිලා ගියොත් එයැයිගේ පුතාට ආයෙ මං වගේ බිරිඳක් මේ කපේට හොයාගන්නට බැරිය 😜 ) මයේ නැන්දම්මා කියනා විදියට කැඳ සුට්ටක් බිව්වාට මා මහත් වෙන්නේ නෑය.කැඳ වලට කෝවක්කා,අරවක්කා වගේ නානාප්‍රකාර එව්වා දාන නිසා මට සීනි හැදෙන්නෙත් නෑය..එයැයිගේ ඔය ආලවට්ටං කතා වලට මාත් වෙලාවකට අහුවෙනවාය.එහෙම දවසට උදේට කැඳ බිව්වොත් මිසක්කා නැත්තං දවල් දොලහ විතර වෙනකං ඉවසගෙන ඉන්නවාය.

උයන එක රස්සාව කරගෙන මදි පාඩුවට ගෙදර බේකරියකුත් දාගෙන සෞඛ්‍ය සම්පන්න වෙන්න වන්නකු වන්නම නටන එක බුදු ගේමක් ය.ඒත් ඉතින් මං ඔන්න ඔහෙ නටනවාය.අකුරටම කරන්න බැරි උනත් පුලුවන් විදියට පුලුවන් තරං කාලයක් කරනවාය.සීයකට හමාරකට උයා සකලබුජං වී ඉන්නා වෙලාවට ආයෙ අමුතුවෙන් වන්නකු කෑම උයන්නට බෑය.බුරියානි,කහබත්,ෆ්‍රයිඩ් රයිස් ආදී මෙකී නොකී සියලුම බත් නම් මට අරහංය.ඒ නිසා එව්වා ගැන බයක් නැත.ඒත් අවන් එකෙන් උණු උණුවේ  එලියට එන එව්වා ගැන හිතට දුකය. 

මේක ලියන අව්වසේත් මගේ බක්කරේ කේක් දානවාය.සුවඳේ බෑය..ඒ උනාට මං හොදය.කේක් තිත්තය..බ්‍රවුනී කලු පාටය..😪 මං හොද ළමයෙක් වෙනවාය.