සඳට බැළුම් හෙලූ අය

සඳවතී මං

My photo
රෑ අහස එළිකරන... සිත් අහස සරසවන... තරුවකට පෙම් බඳින... සොඳුරු සඳවතිය .... මං...

Jan 22, 2017

ගඟ නොකී කී කතා !




( මොරගහකන්ද ජලාශයට මංගල දියවර මුදාහරීයි පුවතක් )


දෑළ දෙවුරේ පිපිණු වන මල් සුවඳ මත්තෙම එතී
පීන පීනා මීන රළ පෙළ ළැමැද අස්සෙම වෙලී
දෙපා සිව්පා සතා කොයිකා උනත් වෙනසක් නැතී
නීල දියවර ගලා බැස්සෙම නිස්කාන්සුවෙ ඇලී

එහෙව් හදවත සිදුරු කරගෙන හිටි ගමන් උල් ඇනී
තිස්පැයේ එක සීරුවට මට දෙතිස් වදයම දිදී
මහා පවුරක් මතුව උන් මා දෙපැත්තට කර බඳී
මාව අඩපණ කරන්නට මගෙ බොටුවෙන්ම ගෙන අදී

යාය විහිදුණු තණ පළස් මත සා පැටව් ගුලි ගැහී
නමක් දන්නැති කැලෑමලකට සමනළෙක් වහ වැටී
හුබස් කට උඩ නා රජින්දෙක් දැහැනකට සම වැදී
තවත් ටිකකින් මේ අපූරුව ජල කඳක් යට නිදී

ගම් තුලානේ උන්නු උදවිය කොහෙද අද නෑ පෙනෙන්නේ
ගව් ගනන් දුර පෙන මානේ වනස්පතියයි දිලෙන්නේ
රංචු ගැහි ගැහි මොනර සේනා පිල් විදාගෙන රඟන්නේ
උන්ව යටකර ගලන්නද දැන් අනේ තොපි මට කියන්නේ

ඉපල්වුනු තුරු හිසක් මුදුනේ කුරුලු පවුලක් නිදන්නේ
උන්ගෙ නිවහන අහිමි වෙන බව කවුද උන් හට කියන්නේ
ගමක් යටකර රටක් අස්වද්දන්නලුනෙ දැන් මේ හදන්නේ
තොපිට හොදනම් මට මොකෑ මං ගැබ්බරයි දැන් මුදන්නේ

17 comments:

  1. රහ පිරුණු කවියක්. දිය කඳට කතා කරන්න පුලුවන්නම් අනිවාර්යෙන්ම ඔහොම

    මේ නමේ අවුල මොකක්ද?...

    ජයවේවා!!!

    ReplyDelete
    Replies
    1. හැමදාමත් වගේ ස්තූති දුමී ඔයාට මේ ඇගයීමට. ආ... නම දිග වැඩී වගේ නිසා ශානි ශෂී කෑල්ල හැලුවා අවුලක් නෑ නේද ?

      Delete
    2. අවුලක් නෑ. "සොඳුරු" විතරක්මනම් තවත් හොඳයි......

      Delete
  2. නොකී කී කථාවම ඇති මහ සයුර මට හමුවෙන තුරා
    සමා අයදිමි වනමලේ ඔබැ සුමුදු වත තැලුවට මෙමා
    සා පැටව් දුව ගියා මොනරුන්ගේ පිල් වෙහෙසලා
    හෙට දවස ලස්සන කරන්නට දුවමි හනිකට මෝය කට බලා

    ReplyDelete
    Replies
    1. ඔබේ කවියත් හරිම අපුරුයි Chef-Archi..

      Delete
    2. හ්ම්ම්ම් ඔව් ඔව් සංවර්ධනයත් වෙන්න එයැයි

      Delete
  3. පුදුම ලස්සන නිර්මාණයක්..... මෙහෙම නිර්මාණ කරන්න පුළුවන් හැබැටම සොබාදහමත් එක්ක ජිවත් වෙන මිනිස්සුන්ට විතරමයි.....

    ReplyDelete
    Replies
    1. ස්තූතී එරන්දි.. අපි ඔය මොරගහකන්ද ඩෑම් එක බලන්න ගියා පහුගිය දවසක ට්‍රිප් එකක් ගිය ගමන්.කිලෝමීටර් ගානක් ඔය යට වෙන ප්‍රදෙශය හරහා තමයි වාහන ඩෑම් එක ගාවට යැව්වේ.ඒ පරිසරය ඒ සුන්දරත්වය දකිද්දි තව ටික දවසකින් මේ සේරම මැකී යනව කියල දැනෙද්දි මගේ හිතට ආපු හැඟීම තමයි මේ.

      Delete
  4. හොද කවි පෙළක්...කව්රුත් නොදැක්ක පැත්තකින්. ගැබ්බර ඇයට මුදන්න දෙමු අදට වඩා හොද හෙටක් දෙන්නට(එහෙමැයි කියනවා කොහොමද දන් නෑ)

    ReplyDelete
    Replies
    1. ඔව් අපි එහෙම හිතමු නේද

      Delete
  5. Replies
    1. ස්තූති කොච්චි... කවදද ඔය නිහඬ බව බිඳින්නේ ?

      Delete
  6. /////යාය විහිදුණු තණ පළස් මත සා පැටව් ගුලි ගැහී
    නමක් දන්නැති කැලෑමලකට සමනළෙක් වහ වැටී
    හුබස් කට උඩ නා රජින්දෙක් දැහැනකට සම වැදී
    තවත් ටිකකින් මේ අපූරුව ජල කඳක් යට නිදී/////////

    දුකයි මේ සිද්ධිය හිතට ගන්නකොට හලෝ. අන්තිම පදය මම ලිව්වා නම් ඉවරකරන්නේ "නිදි වදී" කියලා.

    ReplyDelete
    Replies
    1. බොහොම ස්තූතී අරූ... හි හී එහෙමත් නරක නෑ නේද

      Delete
  7. Assalamualaikum Salam sejahtera untuk kita semua, Sengaja ingin menulis
    sedikit kesaksian untuk berbagi, barangkali ada teman-teman yang sedang
    kesulitan masalah keuangan, Awal mula saya mengamalkan Pesugihan Tanpa
    Tumbal karena usaha saya bangkrut dan saya menanggung hutang sebesar
    1M saya sters hampir bunuh diri tidak tau harus bagaimana agar bisa
    melunasi hutang saya, saya coba buka-buka internet dan saya bertemu
    dengan KYAI SOLEH PATI, awalnya saya ragu dan tidak percaya tapi selama 3 hari
    saya berpikir, saya akhirnya bergabung dan menghubungi KYAI SOLEH PATI
    kata Pak.kyai pesugihan yang cocok untuk saya adalah pesugihan
    penarikan uang gaib 4Milyar dengan tumbal hewan, Semua petunjuk saya ikuti
    dan hanya 1 hari Astagfirullahallazim, Alhamdulilah akhirnya 4M yang saya
    minta benar benar ada di tangan saya semua hutang saya lunas dan sisanya
    buat modal usaha. sekarang rumah sudah punya dan mobil pun sudah ada.
    Maka dari itu, setiap kali ada teman saya yang mengeluhkan nasibnya, saya
    sering menyarankan untuk menghubungi KYAI SOLEH PATI Di Tlp 0852-2589-0869
    Atau Kunjungi Situs KYAI www.pesugihan-uang-ghaib.com agar di
    berikan arahan. Supaya tidak langsung datang ke jawa timur, saya sendiri dulu
    hanya berkonsultasi jarak jauh. Alhamdulillah, hasilnya sangat baik, jika ingin
    seperti saya coba hubungi KYAI SOLEH PATI pasti akan di bantu Oleh Beliau

    ReplyDelete

සඳවත කියවන්න ආපු ඔයාලට බොහෝම ස්තුතී, පුංචි හරි ඉඩක් තියෙනවනම් වචනයක් දෙකක් කියල යන්න. ඒක මට ගොඩාක් වටිනවා. නොලියා ගියත් අමනාපයක්නම් නෑ මේ හිතේ.