සඳට බැළුම් හෙලූ අය

Mar 21, 2019

ප්‍රේමයේ නාමයෙන් !




ඉතින් අවසරයි
තව කොහේ හරි
හැංගුන -නොපෙනුන
ඉඩක් තියෙනවානම්
මේ හිතේ
ඒ හැම තැනකටම ඇවිත්
නවතින්න !

බොහෝ සීමා බිඳ
හදිස්සියෙ හරි
ඒ තැබූ
එකම එක හාදුව
ප්‍රේමයේ නාමයෙන්
පරිස්සම්
කරන්න !

හරි ළඟයි වගෙ දැනෙන
ඔය හුරු පුරුදු කම ළඟ
මට බයයි
දියවෙන්න
ඒකමයි නොබලන්නෙ
ඔය ඇස් දිහා හරි කෙලින්
මම !

දැන් ඉතින්
ඇස් පියන්
විඳින්නට
සිතින් යලි මවාගෙන
ඉඹින්නට
තරම් සුවඳයි - ඔය සුවඳ
මට !

දන්නෙ නෑ
හෙටක් නැති ප්‍රේමයක
කෙළවර
කමක් නෑ
ඒත් මං ආදරෙයි
ඊයෙටත් වඩා
අද !

12 comments:

  1. ආයෙත් මහවැලි ගග අද්දර එක වැහිබර හවසකට මගේ හිත ගියා. ස්තුතියි ඒ මතකය අලුත් කලාට ලස්සන නිර්මාණයකින්....

    ReplyDelete
    Replies
    1. ඉතින් ඒ මතකෙ ගැනත් මොනා හරි ලියලා දාමුකෝ.... ස්තූතියි ඇගයීමට

      Delete
  2. තරු පිරිවරා
    වලාවෙන් සැරසී
    හිරු එලියෙන් හැඩවී
    මුකුළු පෑ අහස් ගැබ
    නිමල සඳවතිය ඔබ

    විල්මත
    විකසිත
    පියුමන්
    නිදහසේ විඳිනා
    ඔබැ සුව

    එවන් සුව
    ගොනු කලා ඔබ
    තැබූ සියුම් හාද්දක
    ඉතිරිය මා වම් කොපුල් තල මත....!







    ReplyDelete
    Replies
    1. ඒක හරිම ආදරණීය කවි කමෙන්ට් එකක් මගේ කවියටම ගැලපෙන...ස්තූතියි ඔයාට ආකී

      Delete
  3. ලස්සන ගැලපීමක් සදූ.....

    ජයවේවා!!!

    ReplyDelete
    Replies
    1. ගොඩක් දවසකින් ඔයාගෙන් කමෙන්ට් එකක්. දැන් හරි බිසී නේ

      Delete
  4. ජීවිතය ජීවත් කරන මතක . ඊයේ , අද සහ හෙට

    ReplyDelete
  5. "අරුත්සුන් ප්‍රේමයක තනිවෙන්න
    මං ආසයි "

    මේ ටිකත් කොහේන් හරි ඇතුලට ඔබ්බගත්තනම් පට්ට කියල හිතෙන්නේ මට විතරද ?

    කොහොම නමුත් හැමදාම වගේ පපුව කාවදිනවා මේ ලියවිල්ල .

    සමාවේවා ප්‍රමාද ප්‍රතිචාරයට ..... දන්නවානේ ගස් ගල් බඩ ගානා සතිඅන්තේ...... නේ ...

    ReplyDelete
    Replies
    1. පමා වී හෝ ප්‍රථිචාර දැක්වීම නොවැ වටින්නේ,

      ප්‍රේමයට අරුතක් නෑ කියලා හිතන්නම් මට බෑ. කොන්දේසි විරහිත පෙමක් කියලානම් තව ඕන් කමක් නෑ.

      Delete

සඳවත කියවන්න ආපු ඔයාලට බොහෝම ස්තුතී, පුංචි හරි ඉඩක් තියෙනවනම් වචනයක් දෙකක් කියල යන්න. ඒක මට ගොඩාක් වටිනවා. නොලියා ගියත් අමනාපයක්නම් නෑ මේ හිතේ.

ඒකපාර්ශික !

      සඳක් වගේ පායා හිනැහෙමින් එබී පුරුද්දක් වගේ උන්නා ළඟම රැදී ඉඩක් නොවූ තැන හදවත ගියද බිදී අදත් ලියනවා මේ ප්‍රේමයට කවී යන්තං ගැටෙ...