සත් සියක් සියපත් මතින් මුඳු සුවඳ හමනා !

ඇහි පියළි අගිස්සක
අතුරලා නෙතු කැල්ම
නළල් පට මත ඇන්ද
සිත්තමකි ලස්සනම

ඉතා කෙටි දිගු සුසුම්
කන් දෙපෙති කිති කවන
මල් පොට්ටු ඇහැරිලා
දඟකාර කම් කරන

අක්බඹරු කෙස් රොදක්
මෑත් කර ගෙල පෙදෙස
නුරා රස අහුරද්දි
සුදු හංස තටු අතර

දරාගෙන ස්නේහය
උමතු නිල් තරු දෑස
ලැම බෙයද පාමුලේ
රත් දෙතොල් මුඳු පහස

වැතිර ඝන පපුතුරක
වෙලී සියොළඟ තරව
සරාගී නිමේෂෙකි
ලයෙහි ලෙය තුල කිමිද

---------------------------------


අදත් නෙතු පියද්දී
ඇවිස්සෙන ඒ මතක
හද කවුළු පියස්සෙන්
හමන්නෙම ඔය සුවඳ