දෙනුවන් අනුහස... පසුවදන

හුඟක් දවස් අරගෙන ඔන්න අද හිතුවා දෙනුවන් අනුහස ගැන පසුවදන ලියන්න.මම දන්නවා මේ පසුවදන කියවන්න බලාගෙන කීප දෙනෙක්ම මඟ බලාගෙන ඉන්නවා කියල.කතාවේ කොටසක් දෙකක් කියවද්දි ගොඩක් අය මගෙන් අහපු දෙයක් තමා මේක මගේ ජීවිත කතාවද..? එහෙම නැත්තන් මම දන්න කියන කෙනෙකුගේ ජීවිත කතාවද කියල.ඉතිං මුලින්ම කියන්න ඕනෙ මේක මගේවත් මම දන්න කියන කෙනෙකුගේවත් ජීවිතය නෙවෙයි.ආරම්භය කොහොම උනත් මේ කතාවේ අවසානය මගේ හිතේ ඇදුන සිතුවිල්ලක්ම විතරයි.කතාවක් ලියන්න ඕනෙ කියන අදහස හිතට ආවම මම ඉස්සෙල්ලම කලේ මේ කතාවේ ප්‍රධාන චරිත හතරට නම් තියන එක.පටන් ගැන්ම වගේම අවසානයත් පෙළගැස්සුවේ ඒ නම් හතර මත.

ඒත් මේ කතාවේ ප්‍රධාන චරිත හතර ඇතුලේ මගෙයි මම දන්න කියන අයගෙයි ගතිගුණ, අදහස් ,සිතුම් පැතුම් තිබුණා.මේ කතාවට ඇතුලත් කල යම් යම් සිද්ධි මගේ ජීවිතේ මම අහපුවා දැකපුවා විඳපුවා තිබුණා.මේ කතාවට ඇතුලත් කල ගම් , නගර සහ ස්ථාන පවා මගේ ජීවිතේට බොහොම සමීප තැන්.අන්න ඒ හේතු නිසාම මේ කතාව කියවපු ඔයාලට මේක යථාර්තයට බොහොම සමීප බවක් දැනෙන්න ඇති.

වෙලාවකට මම කවිති උනා, වෙලාවකට මම උත්තරා උනා , දෙනුවන් විතරක් නෙවෙයි මම අනුහසුත් වෙලා බැලුවා.එයාලව මේ කතාවේ ජීවත් කරවන්න මම මට පුලුවන් උපරිමයෙන් කැප උනා.මේ කතාවේ අවසානය කියවපු ඔයාලගේ ඇහැට කඳුළු ආව බව මම දන්නවා. මේ කතාවේ අන්තිම ලියාගන්න බැරුව මම දවස් ගාණක් ලතැවුනා ඇඬුවා.

o3 wall එකෙන් මගේ ජීවිතේට සමීප වුන සහෘදයන් මගෙන් නවකතාවක් ලියන්න කවී කියලා ඉල්ලුවම මම හිතුවේ නවකතාවක් ලියන්න තරම් මගේ නිර්මාණගීලිත්වය මදි කියල.මුලින් මම හිතුවෙ මේ කතාව කොටස් දෙකකින් ඉවර වෙන කෙටි කතාවක් හැටියට ඉවර කරන්න.ඒත් වෝල් එකේ අය ඒකට ඉඩ දුන්නෙ නෑ එයාල කිව්වෙම මේක දිගට ලියන්න කියල ඉතින් එයාලගේ බලාපොරොත්තුව තමා මාව මේ තරම් දුරක් ගෙනාවේ. වෝල් එකේ මගෙ යාලුවනේ ඔයාලා හැමෝටම ගොඩක් පින් ! ( මම එක්කෙනෙකුගෙවත් නම් කියන්නෙ නෑ මොකද එකක් හරි මිස් උනොත් මාව මරන් කන නිසා )

ඊළඟට බ්ලොග් අවකාශයෙන් මට මුණ ගැහුණ මගේ කතාවත් එක්ක දිගටම හිටිය සහ මගදි එකතු උන දයාබර ඔයාලගෙන් ලැබුන අදහස් උපදෙස් මට පුදුම හයියක් උනා.ඒ හැම දෙකටම ඔයාලටත් ගොඩක් ස්තූතී.

ඉතිං දෙනුවන් අනුහස මගේ මුල්ම නවකතාව කියවල රස විදල අදහස් දක්වල අඩු පාඩු පෙන්නල දීල මග පෙන්නපු ඔයාලා හැමෝටම වගේම කමෙන්ට් නොකලත් ඇවිත් බලල ගිය හැමෝටමත් ගොඩක්ම ගොඩක් ස්තූති.ආයෙත් ආයෙත් කතාවක් අරන් ඔයාලා හමුවට එන්න මම පොරොන්දු වෙනව.චූටි දවසක් ඉවසන් ඉන්න හොදේ.