සඳට බැළුම් හෙලූ අය

May 16, 2018

මමයි ඒ බඹරින්දු කඩුපුලට පෙම් බැන්ද !




අහම්බෙන් නිදි බිඳුණු වෙලාවක නෙත ගැටුණු
සුවඳින්ම ඇතුලු හද ගැඹුරටම ගිනි තබපු
ලෝකෙටම හොර රහසෙ අඳුරු රැය විනිවිදපු
නුඹද ඒ මල උදා ස්වයං වරයෙදි නොදුටු

සඳත් මල්වර රෑක විදා පෙති රහසේ
මුදත් මල් මකරන්ද නොපෑහී පහසේ
හෙටත් නුඹ පිපේනම් මෙතන මේ වාගේ
මටත් පුලුවන් ඉතින් නො'නිදන්න ආයේ

රාත්‍රිය නො'යිඳුල්ම පිනි ඉහින මානේ
පිපී සැලෙනා අරුම හිනැහෙමින්  සිතුසේ
රසඳුනක් නොවී තව කිසිවෙකුට ආයේ
තුරුල්ලට වරෙන් දැන් මැණික නුඹ මාගේ

සඳේ රැස් කැරැල්ලෙන් නුඹ මුවා කරලමී
කදෝකිමි ඇසකිනුත් නුඹේ රුව සඟවමී
දහක් කුසු
න්ට ලොබ බැන්ද සිත මුදවමී
නෑඹුල්ම මලක පෙති දෝතින්ම සිපගමී

20 comments:

  1. සඳේ රැස් කැරැල්ලෙන් නුඹ මුවා කරලමී
    කදෝකිමි ඇසකිනුත් නුඹේ රුව සඟවමී
    දහක් කුසුමන්ට ලොබ බැන්ද සිත මුදවමී
    නෑඹුල්ම මලක පෙති දෝතින්ම සිපගමී

    හරිම ලෝබ හිතෙනවා කවි පෙළට.... ස්තූතියි සඳවතී....

    ReplyDelete
  2. රැයම දිගුවෙලා අඳුරත් නිති කැන්දූ
    තවම ගත පුරා දිවයයි පිණි බිංදූ
    සුදම රැදුණු පෙති කුළුඳුල් පෙම රැන්දූ
    සුවම විඳින්නට එනු මැන බඹරින්දූ....

    ලස්සනයි සඳූ...
    ජයවේවා!!!

    ReplyDelete
    Replies
    1. ලස්සන පද ... ස්තූතියි දුමී

      Delete
  3. රැයක් තිස්සේ බලා උන්නේ
    ඔබ පිපෙන බව දැනම.
    ස්වේත ගණ වර්ණයෙන්
    සිහින් පෙති දිගු උනේ.
    බබරෙකුට නොවසන්න
    මම ඔබව රැක ගත්තේ,
    බුදු හිමිට පුද දෙන්න,
    ඔබේ අගේ වැඩිවෙන්න.

    ReplyDelete
    Replies
    1. කවුද දැන් මේ රකින්නේ බඹරෙක්ද.... නරියට කුකුල්ලු බාර දුන්නා වගේ තියේවිනේ... හි හී

      Delete
  4. රාත්‍රිය නො'යිඳුල්ම පිනි ඉහින මානේ
    පිපී සැලෙනා අරුම හිනැහෙමින් සිතුසේ
    රසඳුනක් නොවී තව කිසිවෙකුට ආයේ
    තුරුල්ලට වරෙන් දැන් මැණික නුඹ මාගේ

    ආදරණීයයි...

    ReplyDelete
    Replies
    1. තව මලක් දකිනතුරු වෙන්නත් පුලුවන් ඉතින් නේද ඔය ආලවට්ටම් බඹරාගේ...

      Delete
  5. රැය ගැඹරට කඩුපුලක්ය පෙම් බැඳුණූ
    කඩුපුලකට බඹර තුඩකි සිත් බැඳුණූ

    ReplyDelete
    Replies
    1. සඳ එළියෙන් නිති සැනසුනු මල් ළන්ඳූ
      මල නොතලා රොන් ගනීද බඹරින්දූ

      Delete
  6. අපූරුයි නෙව...

    "...කදෝකිමි ඇසකිනුත් නුඹේ රුව සඟවමී..."

    ආදරේ කියන්නෙම ලෝබ කමට... අයිති කර ගන්නවට... අපි කවදා නිවන් යයිද අප්පා...

    ReplyDelete
    Replies
    1. ඒකනේ අපි කොච්චර නෑ නෑ කිව්වත් ආදරේ කියන්නෙම ආත්මාර්තයට ලෝබ කමට

      Delete
  7. පිපී සැලෙනා අරුම හිනැහෙමින්  සිතුසේ
    රසඳුනක් නොවී තව කිසිවෙකුට ආයේ
    තුරුල්ලට වරෙන් දැන් මැණික නුඹ මාගේ


    ලා...ස්සන පද වැල්...!

    ReplyDelete
    Replies
    1. හරි ලා....ස්සන කමෙන්ට් එක ... හි හී

      Delete

සඳවත කියවන්න ආපු ඔයාලට බොහෝම ස්තුතී, පුංචි හරි ඉඩක් තියෙනවනම් වචනයක් දෙකක් කියල යන්න. ඒක මට ගොඩාක් වටිනවා. නොලියා ගියත් අමනාපයක්නම් නෑ මේ හිතේ.

ඒකපාර්ශික !

      සඳක් වගේ පායා හිනැහෙමින් එබී පුරුද්දක් වගේ උන්නා ළඟම රැදී ඉඩක් නොවූ තැන හදවත ගියද බිදී අදත් ලියනවා මේ ප්‍රේමයට කවී යන්තං ගැටෙ...